អំពីជំរឿនឆ្នាំ 2020
រៀងរាល់ 10 ឆ្នាំម្តង ពលរដ្ឋកាលីហ្វ័រញ៉ា ត្រូវបំពេញបែបបទធ្វើជំរឿនដើម្បីទទួលបាននូវការរាប់ចំនួនពលរដ្ឋម្នាក់ៗឲ្យបានត្រឹមត្រូវ។ ជំរឿននេះ ធ្វើការសម្រេចទៅលើបំណែងចែកអសនៈតំណាងខាងនយោបាយ និងមូលនិធិរបស់រដ្ឋសម្រាប់សេវាសហគមន៍សំខាន់ៗដែលជួយគាំទ្រដល់ក្រុមគ្រួសាររបស់យើង។
ជំរឿនបន្ទាប់ នឹងប្រព្រឹត្តទៅនៅឆ្នាំ2020។ សូមធានាថា ពលរដ្ឋកាលីហ្វ័រញ៉ាទាំងអស់ត្រូវបានរាប់ចំនួននៅក្នុងជំរឿនឆ្នាំ 2020 នេះ ដើម្បីរក្សាទុកនូវធនធានទាំងនោះនៅក្នុងមូលដ្ឋានរបស់យើង។
ប្រាក់ និងអំណាយ
ជំរឿនឆ្នាំ 2020 នឹងសម្រេចថា តើទឹកប្រាក់ចំនួនប៉ុន្មានពាន់លានដុល្លារ ត្រូវបែកចែកនៅក្នុងរដ្ឋកាលីហ្វ័រញ៉ានេះ។ ការរាប់ចំនួនមិនបានត្រឹមត្រូវ អាចនឹងប៉ះពាល់ដល់ការផ្តល់មូលនិធិសម្រាប់សាលារៀន សេវាសុខាភិបាល ការថែទាំកុមារ សេវាសង្គ្រោះបន្ទាន់ និងកម្មវិធីដទៃផ្សេងទៀត។
ជំរឿនឆ្នាំ 2020 នឹងធ្វើការសម្រេចទៅលើចំនួនសមាជិកសភារបស់រដ្ឋកាលីហ្វ័រញ៉ា និងការបោះឆ្នោតជ្រើសរើសប្រធានាធិបតី។ ការរាប់ចំនួនបានត្រឹមត្រូវ មានន័យថា នឹងមានតំណាងកាន់តែច្រើនក្នុងស្ថាប័នកាន់អំណាចកាន់ ដែលពួកគេពិតជាអាចធ្វើជាតំណាង និងធ្វើការតស៊ូមតិការពារសហគមន៍របស់យើង។
សុវត្ថិភាព និងការរក្សាការសម្ងាត់
ជំរឿនឆ្នាំ 2020 គឺជាឱកាសរបស់ពលរដ្ឋកាលីហ្វ័រញ៉ាគ្រប់រូបក្នុងការធានានូវអនាគតរបស់យើង។ សូមកុំភ័យឲ្យសោះ ចម្លើយតបរបស់អ្នកនៅក្នុងជំរឿននេះ គឺមានសុវត្ថិភាពនិងសន្តិសុខ។ ព័ត៌មានដែលប្រមូលបានជាផ្នែកមួយនៃជំរឿនឆ្នាំ 2020 មិនអាចធ្វើការចែករំលែកដោយភ្នាក់ងាររដ្ឋាភិបាល ឬប្រើប្រាស់ដើម្បីប្រឆាំងលើរូបអ្នកដោយប្រការណាមួយឡើយ។
លិខិតអញ្ជើញត្រូវបានផ្ញើ។
ថ្ងៃទី 12-20 ខែមីនាលិខិតអញ្ជើញ នឹងផ្ញើទៅអ្នកតាមប្រៃសណីយ៍ ដើម្បីបំពេញកម្រងសំណួរស្តីពីជំរឿនឆ្នាំ2020 តាមអនឡាញ។
លិខិតរំលឹក។
ថ្ងៃទី 16-24 ខែមីនាលិខិតក្រើនរំឮក នឹងត្រូវផ្ញើតាមប្រៃសណីយ៍។
កាតប៉ុស្តាល់រំinderក។
ថ្ងៃទី26 ខែមីនា-ថ្ងៃទី3 ខែមេសាប័ណ្ណប្រៃសណីយ៍ក្រើនរំឮក នឹងត្រូវប្រគល់ជូនតាមប្រៃសណីយ៍។
ទិវាជំរឿន។
ថ្ងៃទី1 ខែមេសាថ្ងៃធ្វើជំរឿន!
ជំរឿនជំរឿនតាមសំបុត្រត្រូវបានផ្ញើ។
ថ្ងៃទី 8 -16 ខែមេសាការក្រើនរំឮកមួយផ្សេងទៀត និងកម្រងសំណួរជាឯកសារហាតកូពី (hard copy) នឹងត្រូវប្រគល់ជូនតាមប្រៃយសណីយ៍។
កាតប៉ុស្តាល់ចុងក្រោយត្រូវបានផ្ញើ។
ថ្ងៃទី 20 -27 ខែមេសាប័ណ្ណប្រៃសណីយ៍ចុងក្រោយ នឹងត្រូវផ្ញើជូនតាមប្រៃសណីយ៍មុនពេលការចុះធ្វើការតាមដានដោយផ្ទាល់។
ហាមពន្យារពេល! សូមប្រាកដថា ត្រូវបំពេញទម្រង់បែបបទជំរឿនរបស់អ្នកនៅមុនថ្ងៃទី 30 ខែមេសា។”
តើជំរឿនឆ្នាំ 2020 ប្រព្រឹត្តទៅនៅពេលណា
របៀបបំពេញការធ្វើជំរឿន
ការចូលរួមរបស់អ្នកនៅក្នុងការបំពេញបែបបទជំរឿនឆ្នាំ2020 ត្រូវបានតម្រូវជាចាំបាច់។ ជាសំណាងល្អ អ្នកមានមធ្យោបាយបីយ៉ាងដើម្បីឆ្លើយសំណួរ។
មិនថាអ្នកជ្រើសរើសវិធីណាមួយនោះទេ សូមធានាថា អ្នកត្រូវបំពេញទម្រង់បែបបទនេះ!
តាមសំបុត្រប្រៃសណីយ៍
ទម្រង់បែបបទជំរឿនជាក្រដាស នឹងមានផ្តល់ជូនជា 13 ភាសា ហើយអាចផ្ញើតាមប្រៃសណីយ៍ត្រឡប់ទៅកាន់ក្រសួងជំរឿនសហរដ្ឋអាមេរិកវិញ។
តាមទូរសព្ទ
ជំរឿនអាចត្រូវបានបំពេញតាមទូរសព្ទជា 59 ភាសា។
តាមប្រព័ន្ធអនឡាញ
សម្រាប់លើកទីមួយ បែបបទជំរឿននឹងអាចស្វែងរកបានដើម្បីបំពេញតាមអនឡាញជា 13 ភាសា។
សំណួរដែលសួរញឹកញាប់
កម្រងសំណួរឆ្នាំ 2020 នឹងមិនរាប់បញ្ចូលនូវសំណួរណាមួយអំពីស្ថានភាពសញ្ជាតិរបស់បុគ្គលម្នាក់ៗនោះទេ។ មនុស្សគ្រប់រូប មានសិទ្ធិទទួលបានសិទ្ធិមូលដ្ឋានយ៉ាងជាក់លាក់ ដោយមិនគិតពីស្ថានភាពអន្តោប្រវេសន៍នោះទេ។ សម្រាប់អ្នកដែលមានក្តីកង្វល់អំពីការបើកទ្វារផ្ទះរបស់ខ្លួន មានវិធីផ្សេងទៀតដែលអ្នកអាចចូលរួមបាន។ អ្នកអាចចូលរួមតាមប្រព័ន្ធអនឡាញ និងតាមរយៈទូរសព្ទពីលំនៅដ្ឋានដែលអ្នកមានភាពកក់ក្តៅ ឬពីមជ្ឈមណ្ឌលជំនួយគ្រប់គ្រងដោយសហគមន៍។ សូមបំពេញកម្រងសំណួរជំរឿនរបស់អ្នក។ កម្រងសំណួរដែលមិនពេញលេញ អាចបង្កើនឱកាសរបស់អ្នក ក្នុងការទទួលបានការចុះពិនិត្យតាមដានលើការមិនឆ្លើយតបដោយក្រសួងជំរឿនសហរដ្ឋអាមេរិក។ សមាជិកគ្រួសារ នឹងទទួលបានការអញ្ជើញឲ្យឆ្លើយតបតាមអនឡាញចំពោះការធ្វើជំរឿនឆ្នាំ 2020 ដែលនឹងចាប់ផ្តើមនៅថ្ងៃទី12 ខែមីនា ឆ្នាំ2020។ ការចូលរួមរបស់អ្នកមានសារៈសំខាន់បំផុត ហើយព័ត៌មានរបស់អ្នកត្រូវទទួលបានការការពារ។
បទបញ្ជាអនុវត្តនេះ មិនបង្កើតឲ្យមាននូវព័ត៌មានណាមួយដែលធ្វើការផ្សព្វផ្សាយលើសពីក្របខណ្ឌដែលបានអនុញ្ញាតក្រោមច្បាប់ជាធរមាននោះទេ។ ព័ត៌មានរបស់អ្នក បន្តរក្សាជាការសម្ងាត់។ បទបញ្ជាអនុវត្តនេះបញ្ជាក់ថា ព័ត៌មានដែលប្រមូលបានពីប្រភពសហព័ន្ធឬរដ្ឋ “អាចមិន និងមិនត្រូវបានប្រើប្រាស់ដើម្បីនាំមកនូវការចាត់វិធានការពង្រឹកការអនុវត្តច្បាប់អន្តោប្រវេសន៍ ប្រឆាំងទៅនឹងបុគ្គលណាម្នាក់ឡើយ។”
- ក្រសួងជំរឿនរបស់សហរដ្ឋអាមេរិក(USCB) ត្រូវបានតម្រូវដោយច្បាប់ដើម្បីការពារព័ត៌មានផ្ទាល់ខ្លួនណាមួយដែលខ្លួនប្រមូល និងរក្សាការសម្ងាត់ព័ត៌មានទាំងនោះ។
- USCB ត្រូវបានចងភ្ជាប់កាតព្វកិច្ចដោយមាត្រា13 នៃក្រមច្បាប់សហរដ្ឋអាមេរិក។ ច្បាប់ទាំងនេះ មិនត្រឹមតែផ្តល់ដល់ក្រសួងនូវសិទ្ធិសម្រាប់កិច្ចការរបស់ខ្លួននោះទេ ប៉ុន្តែថែមទាំងចែងអំពីការពារយ៉ាងរឹងមាំ សម្រាប់ព័ត៌មានដែលជំរឿននេះប្រមូលបានពីបុគ្គលម្នាក់ៗ និងអាជីវកម្មនានា។
- USCB ប្រើប្រាស់់ចម្លើយឆ្លើយបតដើម្បីបង្កើតស្ថិតិ។
- ព័ត៌មានឯកជនភាព អាចមិនត្រូវបានបោះពុម្ពផ្សាយឡើយនៅពេលប្រមូលរួច។ បន្ទាប់ពីរយៈពេល 72 ឆ្នាំ ព័ត៌មាននេះត្រូវបានបោះពុម្ពផ្សាយសម្រាប់គោលបំណងប្រវត្តិសាស្ត្រ ដោយបណ្ណាសារជាតិ។ វាជារឿងខុសច្បាប់ក្នុងការផ្សព្វផ្សាយ ឬបោះពុម្ពព័ត៌មានឯកជនភាពណាមួយដែលកំណត់អត្តសញ្ញាណបុគ្គលណាម្នាក់ ឬអាជីវកម្មណាមួយ ដូចជា ឈ្មោះ អាសយដ្ឋាន (រួមទាំងកូអ័រដោណេ GPS) លេខរបបសន្តិសុខសង្គម និងលេខទូរសព្ទ។
- ចម្លើយមិនអាចប្រើប្រាស់សម្រាប់គោលបំណងពង្រឹងការអនុវត្តច្បាប់ ឬដើម្បីកំណត់ពីសិទ្ធិទទួលបានផ្ទាល់ខ្លួនសម្រាប់អត្ថប្រយោជន៍នានារបស់រដ្ឋាភិបាលឡើយ។
- ព័ត៌មានផ្ទាល់ខ្លួនមិនអាចប្រើប្រាស់ប្រឆាំងទៅនឹងអ្នកផ្តល់ចម្លើយសម្រាប់គោលបំណងនៃការពង្រឹកការអនុវត្តច្បាប់អន្តោប្រវេសន៍នោះទេ។
- បុគ្គលិករបស់ USCB បានធ្វើសច្ចាប្រណិធានដើម្បីការពារការសម្ងាត់។ បុគ្គលគ្រប់រូបដែលមានសិទិ្ធចូលទៅប្រើប្រាស់ទិន្នន័យនេះ ត្រូវធ្វើសច្ចាប្រណិធានអស់មួយជីវិតក្នងការការពារព័ត៌មានផ្ទាល់ខ្លួន និងយល់ច្បាស់ថា ការពិន័យសម្រាប់ការរំលោភបំពានច្បាប់នេះ នឹងត្រូវអនុវត្តពេញមួយជីវិត។
- ការរំលោភបំពានលើការរក្សាការសម្ងាត់ ឬការផ្សព្វផ្សាយព័ត៌មាន ក្រៅពីសម្រាប់គោលបំណងស្ថិតិនេះ គឺជាបទល្មើសធ្ងន់ធ្ងរកំណត់ដោយសហព័ន្ធ។ ជនដែលបំពានលើច្បាប់នេះ នឹងត្រូវផ្តន្ទាទោសយ៉ាងធ្ងន់ធ្ងរ រួមទាំង ការជាប់ពន្ធនាគារកំណត់ដោយសហព័ន្ធ រហូតដល់ប្រាំឆ្នាំ និងការពិន័យជាប្រាក់ចំនួន$250,000 ឬអនុវត្តទាំងពីរករណីនេះ។
- មូលនិធិសហព័ន្ធមួយចំនួន ប្រាក់ជំនួយឧត្ថម្ភ និងការគាំទ្រដល់រដ្ឋ ខោនធី និងសហគមន៍ គឺផ្អែកលើប្រជាជន។
- វាជារឿងសំខាន់បំផុតតែត្រូវរាប់ចំនួនមនុស្សឲ្យបានគ្រប់គ្នា ដោយពុំគិតពីស្ថានភាពអន្តោប្រវេសន៍ឡើយ។ នៅពេលអ្នកឆ្លើយសំណួរជំរឿន អ្នកជួយដល់សហគមន៍របស់អ្នកឲ្យទទួលបាននូវចំណែកមូលនិធិសហព័ន្ធប្រកបដោយយុត្តិធម៌។
- អាជីវកម្មនានា ប្រើប្រាស់ទិន្នន័យជំរឿនដើម្បីសម្រេចថាតើកន្លែងណាដែលត្រូវសាងសង់រោងចក្រ ការិយាល័យ និងហាងលក់ទំនិញ ហើយនេះនឹងបង្កើតបានការងារជាច្រើន។
- ក្រុមហ៊ុនអភិវឌ្ឈប្រើប្រាស់ទិន្នន័យជំរឿនសម្រាប់ការកសាងលំនៅដ្ឋានថ្មីៗ និងកែលម្អសង្កាត់។
- រដ្ឋាភិបាលមូលដ្ឋានប្រើប្រាស់ទិន្នន័យជំរឿននេះសម្រាប់សុវត្ថិភាពសាធារណៈ និងការត្រៀមខ្លួនពេលមានគ្រោះអាសន្ន។
- ការិយាល័យជំរឿនរបស់រដ្ឋកាលីហ្វ័រញ៉ា កំពុងគាំទ្រដល់ការផ្សព្វផ្សាយសម្របសម្រួលយ៉ាងខ្លាំងក្លា និងកិច្ចខិតខំប្រឹងប្រែងប្រាស្រ័យទាក់ទងដែលបានផ្តោតលើការផ្សព្វផ្សាយដល់ប្រជាជនដែលមានការពិបាកក្នុងការរ៉ាប់ចំនួន (HTC)។
- ការិយាល័យជំរឿន កំពុងធ្វើសហប្រតិបត្តិការជាមួយខោនធី រដ្ឋាភិបាលមូលដ្ឋាន រដ្ឋាភិបាលកុលសម្ព័ន្ធ អង្គការតាមសហគមន៍នៅក្នុងតំបន់និងនៅទូទាំងរដ្ឋ ការអប់រំ និងវិស័យផ្សេងទៀត។
- កិច្ចខិតខំប្រឹងប្រែងប្រាស្រ័យទាក់ទង នឹងមានគោលបំណងជួយពលរដ្ឋកាលីហ្វ័រញ៉ាឲ្យយល់ច្បាស់ថា ព័ត៌មានរបស់ពួកគេនឹងស្ថិតនៅជាព័ត៌មានសម្ងាត់ និងលុបចោលរាល់ព័ត៌មានមិនពិតនានា។
- ចាប់ផ្តើមនៅពាក់កណ្តាលខែមីនា ឆ្នាំ 2020 គ្រួសារនីមួយៗនឹងទទួលបានលិខិតមួយច្បាប់នៅក្នុងប្រអប់ប្រៃសណីយ៍ដែលជូនដំណឹងដល់ពួកគេអំពីជម្រើសនានាសម្រាប់ការបំពេញកម្រងសំណួរជំរឿននេះ។ នោះរាប់បញ្ចូលទាំងទម្រង់បែបបទតាមប្រព័ន្ធអនឡាញ តាមទូរសព្ទ និងតាមបែបបទជាក្រដាសដែលបានស្នើឡើង។
- គ្រួសារទាំងឡាយដែលមិនបានបំពេញកម្រងសំណួរអំឡុងពេលឆ្លើយសំណួរដោយខ្លួនឯង នឹងទទួលបានការទាក់ទងដោយUSCB អំឡុងពេលចុះពិនិត្យតាមដានករណីមិនមានការឆ្លើយតប។
- ថ្ងៃទី 12-20 ខែមីនា៖ សមាជិកគ្រួសារ នឹងទទួលបានការអញ្ជើញឲ្យឆ្លើយតបតាមអនឡាញចំពោះការធ្វើជំរឿនឆ្នាំ 2020។ សមាជិកគ្រួសារមួយចំនួន ក៏នឹងទទួលបានកម្រងសំណួរជាក្រដាសផងដែរ។
- ថ្ងៃទី 16-24 ខែមីនា៖ លិខិតក្រើនរំឮក នឹងផ្ញើជូន។
- ប្រសិនបើអ្នកនៅតែមិនបានឆ្លើយតប៖
- ថ្ងៃទី26 ខែមីនា-ថ្ងៃទី3 ខែមេសា៖ ប័ណ្ណប្រៃសណីយ៍ក្រើនរំឮក នឹងផ្ញើជូន។
- ថ្ងៃទី 8 -16 ខែមេសា៖ លិខិតក្រើនរំឮកមួយច្បាប់និងកម្រងសំណួរជាក្រដាស នឹងផ្ញើជូន។
- ថ្ងៃទី 20 -27 ខែមេសា៖ ប័ណ្ណប្រៃសណីយ៍ក្រើនរំឮកចុងក្រោយ មុនពេល USCB ចុះពិនិត្យតាមដានដោយផ្ទាល់។
- មន្ត្រីធ្វើជំរឿន USCB អាចនឹងទាក់ទងសមាជិកគ្រួសារដែលប្រគល់កម្រងសំណួរដែលបានបំពេញផ្នែកខ្លះក្នុងកិច្ចខិតខំប្រឹងប្រែងដើម្បីទទួលបានចម្លើយពេញលេញ។
- ចាំបាច់បំផុតត្រូវមានការប្រុងប្រយ័ត្នអំពីសំណើសុំណាមួយដែលហាក់ដូចជាមានជាប់ការសង្ស័យ។
- USCB នឹងមិនស្នើសុំឲ្យផ្តល់នូវ៖
- ការទូទាត់ប្រាក់នៅក្នុងការបំពេញកម្រងសំណួរ
- លេខរបបសន្តិសុខសង្គម
- ព័ត៌មានហិរញ្ញវត្ថុ
- បុគ្គលិកចុះតាមមូលដ្ឋានរបស់ USCB តែងតែបង្ហាញអត្តសញ្ញាណក្រសួងជំរឿនដែលមានសុពលភាពជានិច្ច។ អ្នកអាចបញ្ជាក់ថា ពួកគេជាបុគ្គលិករបស់ USCB ដោយបញ្ចូលឈ្មោះរបស់ពួកគេទៅក្នុងប្រអប់ស្វែងរកបុគ្គលិកក្រសួងជំរឿន ឬតាមរយៈការទាក់ទងទៅកាន់ការិយាល័យក្នុងតំបន់របស់រដ្ឋកាលីហ្វ័រញ៉ា។
- ការក្លែងខ្លួនបន្លំធ្វើជាមន្ត្រីរបស់សហព័ន្ធ គឺជាបទល្មើសរបស់សហព័ន្ធ បុគ្គលណាម្នាក់ដែលរំលោភបំពានលើច្បាប់នេះ នឹងត្រូវមានទោសជាប់ពន្ធនាគារ។
